Swyddog Prosiect
23/05/2005
Mae’r swydd newydd hon yn gyfle gwych i fi gael cydweithio â grwpiau cymunedol o fewn Morgannwg yn cynnwys dysgwyr a siaradwyr Cymraeg.
Eleri Griffiths
Gyda’n gilydd gallwn ddatblygu prosiectau creadigol yn ymwneud â’r iaith Gymraeg yn eich ardal chi. Bydd cyfle i wneud gweithdai Celf, Straeon Digidol a Gweithdai ymchwil i gyd o dan arweiniad pobl broffesiynol fel Dr Beth Thomas o Amgueddfa Werin Cymru, Sain Ffagan.
Wedi gorffen y prosiectau mi fydd y gwaith yn cael ei arddangos mewn amgueddfeydd, llyfrgelloedd lleol a.y.b. ac yn yr Eisteddfod Genedlaethol yn Abertawe 2006.
Mi fyddaf yn gyfrifol am wneud prosiectau gyda phob un o’r wyth Menter Iaith ym Morgannwg. Y Mentrau sy’n cael eu cynnwys yw:
Abertawe, Castell Nedd Port Talbot, Bro Ogwr, Rhondda Cynon Taf, Merthyr Tudful, Caerffili, Caerdydd a’r Fro.
Rydw i wedi cysylltu gyda phob un o’r mentrau er mwyn trefnu cyfarfod i drafod syniadau am brosiectau treftadaeth yn eu hardal nhw.
Eisteddfod yr Urdd
27/05/2005
Bydd Cymraeg Morgannwg yn Eisteddfod yr Urdd, caerdydd.
Fel rhan o brosiect Cymraeg Morgannwg bydd y Swyddog Prosiect yn holi pobl sydd wedi eu geni a'u magu ym Morgannwg am eu hatgofion.
|
